Weekend voller Volleyball

Virbereedung op d'Play-Offs

De läschten Weekend hunn sech d'Volleyballer vun Dikrech zesummen fonnt fir hiren Halleffinal-Match géint Stroossen virzebreeden. Vun Freides bis Sonndes war den Programm mat Traininger, Muskulation an engem Match gefëllt.

Freides owes hunn d'Jongen vum Spillertrainer Gunnar Monschauer sech op Rodange deplacéiert fir do een Frëndschaftsmatch ze spillen géint Péiteng. Géint eng deziméiert Péitenger Equipp haaten déi Dikrecher Spiller keng gréisser Schwieregkeeten an konnten déi 4 gepillten Sätz kloer gewannen.

Samsdes moies ass et dunn direkt weidergaang mat Fitness an Balltraining. Samsdes owes gouf et dunn nach een weideren Balltraining an der Haal zu Dikrech.

De Programm vun Sonndes goung genau sou fréi lass. Sonndes Mëttes géint 3 Auer war den unstrengenden mee mat Secherheet och sënnvollen Trainingslager 'riwer.

De Mettwoch ass dann nach een weideren Match virgesinn wou déi Dikrecher Boufen sech beweisen kënnen.
Nach puer Deeg dann ass et souwäit an Dikrech trëfft auswärts op Stroossen. Ee spannenden an kämpfereschen Match ass garantéiert.

RdV: Samsdeg 20. Mäerz / 20:30 VCS-CHEV